Чапле лӱмгече

Воспитатель-влакын кечыштым Шернур посёлкысо «Колокольчик» йочасадыште кок пачаш пайрем семын вашлийыныт. Тений йоча-влакым вияҥдыме рӱдерлан 30 ий темын. 1981-ше ий гыч тыште 1200 утла йочам школлан ямдыленыт. Кызыт тысе 9 группыш ик ияш гыч шым ияш марте 200 йоча коштеш. 56 пашаеҥ гыч – коло визытше педагог. Тыште йоча-влаклан марий да англичан йылмым туныктат. 2008 ийыште республикысе конкурсышто «Колокольчиклан» «Идалыкын йочасадше» лӱмым пуэныт, Марий Эл президентын грантшым ойыреныт. Тений коллектив у шымлымаш проект почеш пашам ышташ тӱҥалын.

Добавить комментарий