Чоныштем ок иле шӱлык

Владимир Дмитриев

Чоныштем ок иле шӱлык.
Пӱрымаш мучаш тора…
Вуйымат ом саке ӱлык,
Кеч саман тений торжа.
Ом мужед торасе жапым.
Илыш-йогын, вӱд пӧрдем.
Ом сӧрвале шулдо чапым,
Мыйын уло шке суртем.
«Аҥыра огеш кандаре,
Шкенжым» — ой йолагайлан.
Мыланем ида сотаре.
Сомылан мый – пиалан.
Нигунам ом мондо иктым.
Эн тӱҥалтыш корныштем
Шӱмешем кӧ тулым чӱктыш –
Таум порын пелештем.

Добавить комментарий