Марий улам, марла илем

Владимир Дмитриев

Вуйым ом ший мый тораште,
Ял деч ӧрдыжкӧ каен,
Тӧр чыла ден руш олаште
Садыгак марла илем.

Кажне кечын мер пашаште
Одо, коми ден пырля,
Тӱрлӧ калык-влак коклаште
Чынак лийым пиалан.

Кидышкем налам гармоньым,
Пошым модын шӱлыктем.
Тарватем суасын чоным,
Кожлаялла куштыктем.

Огыт мондо шочмо велне:
Ваш увер толеш, уна.
Пайлена тӧр илыш нелым,
Лош куаным шелына.

Мый вӱтеле лийын омыл
Илыме верем мокташ.
Шочмо велне рвезе кумыл
Кодын, аваем, йолташ.

Мыйын але кӱчык корно.
Пӧртылам — адак толам.
Пӱрымашемат ом орло:
Морко вел марий улам.

Добавить комментарий