Чимарий тӱня

Зоя Дудина

Сандалыкын индеш тӱня коклаште,
Ош кече йыр со пӧрдшӧ мландынаште,
Йӱреш нӧрен-кошкен — чон волгыдемын,
Кучен саманын тале вӱдпӧрдемым,
Ила кугезе мланде — чимарий тӱня.

Ила чевер пӱртӱс лоҥгасе калык
Коча-кованан сугыньым шукталын,
Поян йӱла гычын поген вий-алым,
Куатле шочмо мландым йӧраталын,
Кугу Ош Юмылан чолган кумалын.

10 август 2003

Добавить комментарий