Серлагышем – вуй ӱмбалнем

Зоя Дудина

Серлагышем – вуй ӱмбалнем
Ош кече гае волгалтеш.
Кунам йӱд омо ден малем,
Ош Тылзыла йырем пӧрдеш.
Пычкемыш дечын шойыштен,
Ший шӱдырлажым ылыжта.
Пылвомыш ден левед пыштен,
Сӱсанымемым ырыкта.
Пӱрышем ден ойым вашталтен,
Вӱдавалан вӱдаш темла.
Куатым, вийым капышкем
Мланде-ава деч нал тема.
Волгенче-кӱдырчым ӱжеш,
Кунам уш лушкыдем шижеш.
Мер Юмым корнышкем луктеш,
Кунам перкелыкым ужеш.
Тыгай улат, Серлагышем,
Куан, ойгем да пиалем.
Йывыртыктен аралышем,
Тылат кӧра эше илем…

29 март 2002

Добавить комментарий