Сулыкым касараш йодмо

Зоя Дудина

Шонен коштынат, кутырен ыштенат,
Тыршен тыршенат, сеҥымаш ден волгалт,
Суапле Юмем, сулыкеш пуренам.

Еш дене илен, икшывемым ончен,
Шоҥгемме велеш уныкамым рӱпшен,
Суапле Юмем, сулыкеш кодынам.

Йӱмаш-кочмаштат, шийвундан лиймаштат,
Поянлык да пого нерген шоненат,
Суапле Юмем, сулык деч ом утлал.

Касаре шонен шуктыде ыштымем,
Касаре илен моштыде тыршымем,
Касаре, утаре, йӱлалше шӱмем!

19 май 2002

Добавить комментарий