Кугече сортам чӱктымо годым

Зоя Дудина

Киямат тӧра, сортам чӱктем,
Ош Кугече кечын тыйым сӧрвалем:
Колто тоштыеҥым мый декем,
Нунын таче – Кечыла пайрем.
Толза, ачием ден авием,
Лийза унаеҥ, кочам ден коваем,
Кӱдыкем тол, эргым-икшывем,
Чылалан саска сортам алал пуэм.
Авызлал мелнам: мелна-мелнан шужо,
Пулашка ден шӱрашкогылят шужо,
Чыве шӱр, пучымыш, туара шужо,
Почыжвӱд, шоҥан пура, пӱрат шужо.
Тек эрта йомартлын пайремна,
Ожнысылак те лӱҥгалт-мурен коштса,
Вашлияш вуча ял уремна.
Ӱжмо унадам пырля-пырля ӱжса.
Ида кай суртнам, ялнам ятлен.
Сурт-озанлыклан, ешлан тазам йодам.
Улыжлан пиал перкем темлен,
А укежым улыш савыраш сӧрен,
Чылаштлан серлагышым йодам.
Лишыл-мӱндыр, кайме-толмо корныштат,
Тул деч, вӱд деч, йот тушман дечат
Арален, чоннам серлагыза!

5 апрель 2002

Добавить комментарий