Кугыжаныш Погынын социально вияҥме комитетше ден ВУЗ ректор-влак Совет погынен

Волжск олаште Кугыжаныш Погынын социально вияҥме комитетше ден ВУЗ ректор-влак Совет пырля заседанийым эртареныт. Депутат ден шанчызе-влак профессиональный шинчымашым пуымо йодышым ончен лектыныт. Тылеч посна самырык специалист-влаклан пашаверым ситарыме проблемым тарватеныт. Заседанийын участникше-влак Строительно-промышленный колледжыш, Марий кугыжаныш технический университетын Волжск оласе филиалышкыже, 15 № профессиональный училищыш миеныт.

Валерий Очеев

Добавить комментарий