Марий Эл гыч Саранскыш 12 еҥан делегаций каен

Финн-угор самырык тукымын чолга еҥже-влак вашке Саранскыш чумыргеныт. Тыште 1-3 августышто Финн-угор самырык-влакын тӱнямбал ассоциацийыштын X конгрессше лиеш. Ныл секцийыште тӱп калык-влакын праваштым аралыме, этноэкономика, йылме, культура, образований, СМИ дене кылдалтше тема-влакым тарватат. Вес кок ийлан МАФУН-ын президентшым сайлат. Кызыт тиде пашам Карелий гыч Алексей Цыкарев шукта.

Марий Эл гыч Саранскыш 12 еҥан делегаций каен. Тиде – самырык-влакын «У вий», «ВийАр» мер ушемыштын, «Югорно» бард-клубын да «Марий ушем» мер толкынын студент пӧлкажын ӱдыр-рвезыже-влак.

Валерий Очеев

Добавить комментарий