Тул нигӧм да нимом ок чамане

Таче, 19 майыште эр йӱдым Йошкар-Олаште пеш шучко пожар лийын. Троллейбусный парк ваштареш 12 пачашан панельный пӧртыштӧ 8-ше пачашаште 3 шагатлан пожар тӱҥалын. 13 минут гыч пожарный-влак толын шумо жаплан тул 10-шо пачашаш шуын, изиш гыч леведыш марте тӧрштен.

Пожарный-влак 245 еҥым утареныт, но тулышто 2 еҥ колен: 63 ияш пӧръеҥ да палыдыме ӱдырамаш. Эше кок ӱдырамаш шик дене аярген, иктыже кызыт реанимацийыште кия.

Пожарым йӧртымашке 295 еҥ ушнен, 54 машина, тылеч посна МЧС-ын 45 сотрудникше да МВД-н 300 пашаеҥже. Пожарым 4 шагатат пелылан веле темдалме, тул 27 пачерым пытарен. Кызыт тулын ылыжме амалжым да чумыр эҥгекым рашемдат.

Добавить комментарий