Пудий изи да черже осал

11 май марте республикыште 234 еҥлан пудий пижын. Тыгодым 85 пудийым лабораторийыш кондымо. Шымлымаш деч вара пале лийын: 10 пудий энцефалит черан лийын, 14 – боррелиозан.

Кызыт еҥ-влак мӧҥгыштышт эмлалтыт. Еҥ-влакын тазалыкыштым аралыме шонымаш дене «Росгосстрах» компаний страховатлыме шотышто комплексный программым темла. Шке илышыжым страховатлыше еҥ пудий пурлмо дене черланыме годым яра эмлалтеш. Тидым шотыш налаш кӱлеш: эмлыме годым кучылтмо иммуноглобулинын ик дозыжо 1000 теҥге наре, кугыеҥлан 1 дозо гына шагал. Страховой полис шерге огыл: кугыеҥлан 155 теҥге, йочалан – 140.

Добавить комментарий