Ондак пионер, кызыт – «Плюшкин»

Школышто тунемме годым кажне тунемше тошто кагазым да кӱртньым поген. Тиде поро пашам угыч илышыш пӧртылташ шонен, оласе йочасад ден школлаште «Плюшкинын кечыже» лӱман акцийым увертареныт.

Тышке оласе 39 школ да 16 йочасад ушненыт. Участник-влак тошто гофрокартоным, кагазым, кленчам, полиэтилен плёнкым кондат, тидлан нунылан оксам пуат. Акцийым июньышто мучашлымеке, школ ден йочасад-влак коклаште кум сеҥыше гыч ойырат. Кызыт марте акцийыште Йошкар-Оласе 2-шо номеран школ ойыртемалтын. Йоча-влак 423 килограмм макулатурым погеныт, тушечын 78 килограммже – 6 «а» классын.

Добавить комментарий