Йӱшаш вӱд тӱрлӧ лиеш

Республик мучко вӱдпучым тӧрлымӧ пашалан кугу тӱткышым ойырат. 4 тылзе жапыште тидлан 2 млн. 665 тӱжем теҥгем кучылтыныт. Апрель марте Роспотребнадзор управленийын специалистше-влак йӱшаш вӱд системын озаштым, 12 юридический лицам тергеныт.

Экшыкым мумо деч вара 9 протоколым возымо, 52 тӱжем теҥге штрафым тӱлаш ыштыме. 4 предписанийым ыштыдымылан пашам суд марте шуктымо. Тыгак судын решенийже дене 5 тавыште вӱдым налаш чарыме: Волжский район, Памар кундемыште 35 кечылан, Шернур район, Марисола велне 60 кечылан.

Волжский районысо Купсолаште, Сотнур ден Чодыраялыште колонкылаште йогышо вӱдын качествыже нормылан шотлан огеш тол, Звенигово ден Морко районлаште вӱд кӱртньӧ таман, тушто сульфат шуко уло.

Добавить комментарий