Коля чот черландара

Роспотребнадзор шижтара: тӱткӧ лийза, республикыште коля йӱштымужо дене черланаш тӱҥалыныт. Тыгай диагнозым врач-влак Йошкар-Олаште илыше 51 ияш пӧръеҥлан шынденыт. Тудо Советский районышто, шке мӱкш отарыштыже черланен.

Врач-влак деке жапыштыже толын, сандене черым эмлымаш куштылгын эрта. Коля йӱштымужо – пеш осал чер, ойлат врач-влак. Тудо тыгыде вӱргорным, шодым да вергым пытара. Черланымым кузе палаш лиеш? Кап-кыл шокшештеш, тунамак кылмыкта, вуй коршта, эре вӱдым йӱмӧ шуэш, кыдал коржаш тӱҥалеш. Тыгай годым, жапым шуйкалыде, эмлымверыш кайыман.

Добавить комментарий