Куп ӱдыр ден Суртводыж «ушненыт»

Элна мучко «Российын йомак картыже» проект тӱҥалын. Тудо Россий кӧргыштӧ туризмым вияҥдаш полшышаш. Тиде проект дене келшышын, 20 регион мучко «Йомак тӱняшке унала» турист корным ыштыме.

Апрельыште Кострома олаште Лум ӱдырын шочмо кечыжым палемденыт. 15 майыште Киров олаште Виче куп ӱдыр ден Суртводыжын сӱанжым эртареныт. 4 июньышто Переславль-Залесский олаш толшо турист-влак «Йошкарвуй-влакын пайремыштым» ужын кертыт, а 25 июньышто Ярославский область, Кукобой селаште Вувер куван шочмо кечыжым палемдат. 9 июльышто Мышкин олаште коля фестиваль почылтеш, а 18 ноябрьыште Великий Устюгышто Йӱштӧ Кугыза шке шочмо кечышкыже унала ӱжеш.

Добавить комментарий