«Кандыра куштымаш» чаплана

«Чолман» газет увертара. «Кандыра куштымашым» южышт эрвелмарий-влакын куштымашышт маныт гынат, тудым чумыр марий калыкын путырак оҥай да шкешотан этнический куштымашыжлан шотлаш лиеш.

Куштышо-влакын «кандырам пунымышт» ДНК спиральым да тыгодымак «мучашдыме движений» символым ушештара. Марийын «кандыражым» тÿнямбалне чапланыше венгр «чардаш», грек «сиртаки», лезгин «лезгинка», испан «фламенко» дене ик кÿкшытыш шындаш лиеш. «Кандыра куштымашым» кумдан шараш шагал огыл вийым пыштыме. Янаул да Мишкан районлаште тидлан тÿҥалтышым ыштеныт. «Кандыра куштымаш» икымше фестивальым эртарыме. Мишкан селаште 450 метр кужытан «кандырам» куштеныт, а тений район вуйлатыше-влак тудым сабантуй олык йыр тарваташ шонат.

Добавить комментарий