Тӱшка монча посна еҥ кидыш куснен

Килемар посёлкышто тӱшка монча посна еҥ кидыш куснен. Тудо шке верыштыжак кодын гынат, тыште пеш шуко сай вашталтыш лийын. Ондак тиде монча нерген газетыш фельетонным возеныт гын, кызыт тау мутым гына ойлат. Ынде мончаш толшо еҥлан чынжымак каналташ чыла йӧн уло. Монча оза Сергей Баранов олмыктымо пашалан оксам чаманен огыл. Кызыт тышке иканаште 7 еҥ гына пурен кертеш, сандене ондак черетыш возалташ кӱлеш. Посёлкылан акшат шерге огыл – 1 шагат мушкылтмылан 80 теҥгем тӱлыман.

Валерий Очеев

Добавить комментарий