Утарыше студент-влак

Лишыл кечылаште «Утарыше добровольный студент отряд» мер организацийлан 10 ий темеш. Тудо всероссийский организацийын региональный пӧлкаже семын пашам ышта. Отрядыш Йошкар-Оласе кум вузышто да кокла профессиональный образованийым пуышо кум заведенийыште тунемше-влак коштыт.

51 еҥже «утарыше», а кумытынжо «кумшо классан утарыше» квалификацийым налыныт. Нуно туткарыш логалше-влаклан икымше полышым пуэн да кычалме-утарыме пашам эртарен кертыт. Ӱдыр-рвезе-влак чыланат спорт дене кылым кучат: 3 спорт мастер, спорт мастерыш 6 кандидат да тӱрлӧ вид дене 12 спортсмен-разрядник улыт. Тиде отряд Юл кундемыште ик эн сайлан шотлалтеш.

Добавить комментарий