У чодырам шындат

Чодыра озанлык министерствын специалистше-влак кодшо ийысе чодыра пожарын могай эҥгекым кондымыжым шотлен луктыныт. Тений чылаже 4 млн. кубометр локтылалтше чодырам кораҥдаш кӱлеш. Тидыже кок ий ямдылыме кугытыш шуэш.

Ты пашам моткоч писын ыштен шуктыман, молан манаш гын игече шокшештмылан кӧра пушеҥгым копшаҥге-влак локтылаш тӱҥалыт. Тыгай пырня олташ йӧршӧ гына лиеш. Эшежым тореш-кутынь йӧрлшӧ пушеҥгым кораҥдаш огыл гын, адакат пожар ылыж кертме лӱдыкшӧ уло. Тений 40 тӱжем гектарыште санитарный эрыктыме пашам шуктыман. Министерствын планже почеш, 2013 ий марте угыч шындышашлык материалым шке ончен куштышашлан 1,5 гектар кумдыкан питомник ден теплицым ыштыман. 2013-2016 ийлаште 8 тӱжем гектарыште чодырам угыч шындыман. Тиде пашалан чылаже 140 миллион теҥге кӱлеш. Республикын бюджетше пелыж наре ойыра гын, вес пелыже чодыра озанлыкым арендоватлыше-влакын вачышкышт возеш.

Добавить комментарий