Эн устам кычалыныт

Йошкар-Олаште иканаште кум конкурс лийын – «Идалыкын туныктышыжо», «Идалыкын воспитательже» да «Марий йылмым эн сай туныктышо». Ныл кече жапыште чыла район ден ола гыч толшо тӱрлӧ предметым туныктышо 10 туныктышо, йочасадыште пашам ыштыше 16 воспитатель да марий йылме ден литературым 11 туныктышо шке мастарлыкыштым ончыктеныт. Конкурс тыге иктешлалтын: «Идалыкын туныктышыжо» лӱмым Советский посёлкысо 3 № школышто физикым да математикым туныктышо Зинаида Таныгина сеҥен налын, Волжск оласе 28 № йочасадыште пашам ыштыше Юлия Пенькова «Идалыкын воспитательже» лийын. Морко посёлкысо 1 № школ гыч Софья Никитиналан «Марий йылмым эн сай туныктышо» лӱмым пуымо.

Добавить комментарий