Ушнат, ойырлат, йочам ыштат

Волжский районышто ныл тылзе жапыште 34 у еш шочын, но тыгодым 30 еш шаланен. Утларакше 25 гыч 39 ияш марте вате-марий ойырла. Май марте Волжский велне 97 йоча шочын, рвезе-влак иктылан шукырак улыт, 49.

Посна кундем-влакым ончалаш гын, утларак йочам ыштат Приволжский, Шарача да Пӧтъял ял шотан илемлаште. Лӱмым пуымо шотыштат ача-ава-влакын фантазийышт пеш кугу. Ондаксе Лена ден Саша олмеш Юстина ден Эвелинам, Алина ден Азалия, тыгак Ярославым, Дионисийым да Макарым пуат. Шуэн вашлиялтше лӱмым йочалан пуаш лиеш, но тыгодым иктым мондыман огыл: вет тудлан ӱмыржо мучко тыгай лӱм дене илыман.

Добавить комментарий