Самырык специалист, ау!

Ял озанлыкыште самырык специалист-влакын шагал улмышт мемнан дене веле огыл, Россий мучкат пеш чот шижалтеш. Чынак, кунам пашадар пеш изи, илаш сай йӧн уке, ончыкылык огеш палдырне, – чыла тыгай годым ялыште кодаш шонышыжо пеш шагал.

Теве Шернур районышто кызыт 11 тӱшка ял озанлык предприятий шотлалтеш. Но чыла вере тӱҥ специалист-влак шотышто сӱрет огеш куандаре. 11 озанлыклан 5 агроном, 4 зоотехник, 4 ветеринар, 5 инженер, 3 электрик да 4 экономист веле. Кыдалаш звеноштат тыгаяк сӱрет. Самырык специалист-влаклан кугыжаныш могырымат полыш уло, но кадр йодыш тугак пӱсын шога.

Добавить комментарий