Модышым ышташ туныктеныт

12 майыште Йошкар-Олаште, Мер-политик рӱдерыште регион-влак кокласе семинар лийын. Руш тӱвыра рӱдер тышке Киров область, Чуваший да Марий Эл гыч кидмастар-влакым поген.

«Мондалтше усталык паша» семинарыште тӱҥ шотышто модышым ыштыме мастарлык нерген ойлаш тӱҥалыт да мастер-классым эртарат. Тиде семинарыш школ гыч туныктышо-влак, колледж да техникум, вузышто преподаватель, калык мастар-влак, фольклор да этнокультурологий дене специалист-влак толыныт.

Добавить комментарий