17 ияшат наркоман улыт

Тачысе кечылан Российыште кок миллион наре наркоман уло. Тышеч 70 % – 30 ияш марте самырык еҥ. Умбакыжат чыла тыгак шуйнаш тӱҥалеш гын, элысе калыкын ончыкылыкшылан лӱдыкшӧ лийын сеҥа. Сандене мом ышташ кӱлмым Россий кӱкшытыштат, верлаштат каҥашыде ок лий.

Тиде амал денак Республикысе наркологий диспансерыште «йыргешке ӱстел» йыр мутланымаш лийын. Мемнан дене Куяр посёлкысо диспансерыште эмлалтше-влак утларакшым кумло ияш марте ийготан улыт, но коклаштышт 17 ияшат вашлиялтыт. Диспансерыште иканаште кумло еҥ эмлалт кертеш. Тышке еҥ-влак тӱрлӧ семын логалыт: кӧм поликлиника гоч направлений почеш колтат, кӧ гын палымыжын темлымыж почеш толеш.

Добавить комментарий