Вольык ешаралтеш

Изи, кокла да кугу ял озанлык предприятий-влакын тений 1 кварталтыште шылым да шӧрым ыштен налме пашаштым иктешлыме.

Ял озанлык министерствын увертарымыж почеш, ӱмашсе тыгаяк жап дене таҥастарымаште тений сӧсна-влак шукырак улыт, презат утларак шочын. Тӱшка озанлыклаште шыл урлык вольыкым шукырак ончат. Шке суртпечыште вольыкым да чыве-комбым ончышт манын, калыклан ужалыме паша вияҥеш: 1 май марте 2 тӱжем наре презым, тӱжем утла сӧснаигым, 180 тӱжем чывигым да комбигым ужалыме.

Добавить комментарий