Сем тӱняште – пел курым

Звенигово оласе йоча искусство школлан 50 ий темын. 1961 ийыште 30 ӱдыр-рвезе музыкальный школышко баян да фортепиано дене шокташ тунемаш толын. Тиде школым почмаште Леонид Григорьевич Молдован пеш чот тыршен, тудак икымше директор лийын.

А латик ий гыч тышке 250 йоча коштын. Семӱзар дене шокташ тунемме деч посна нуно художественный, хоровой да хореографический отделенийлаште шинчымашым налыныт. 1973 ийыште тиде школ пелен руш калык семӱзгар оркестр погынен. 50 ий жапыште 800 утла самырык музыкантлан дипломым кучыктымо. Кызыт шукынжо йоча-влакым туныктымаште тыршат: Калининград гыч Тюменский область марте, Норвегий ден Германийыштат пашам ыштат.

Добавить комментарий