Удыртыш чер орландара, тий поша

Роспотребнадзорын Марий Элысе управленийже гыч увертарат: тений икымше кварталыште тий пошымо 118 еҥым пален налме, нунын коклаште 14 ияш марте 38 йоча. Удыртыш чер 60 еҥым орландарен, тышечын 21 йочам. Шоло черат кажне районыштак шарлен шога. Теве сальмонеллёз дене 54 еҥ черланен. Шукын эмлымверыш логалыныт Йошкар-Олаште, Звенигово да Волжский районлаште. Роспотребнадзор школышто йоча-влаклан шокшо кочкышым кузе пукшымымат терга. Май тылзе марте тӱҥалтыш класслаште 98,8% тунемше кечывал кочкышым школышто ыштен, кугурак класслаште тунемше кокла гыч – 66%. Сай могырым палемденыт Волжский, Курыкмарий, Оршанка, Марий Турек да Килемар районысо школ-влакым.

Добавить комментарий