Козьмодемьянск олаште утларакше ӱдырамаш-влак илат

Шошын икымше пайремже вашеш Козьмодемьянск олаште ӱдырамаш-влак коклаште шотлымашым эртареныт. Пале лийын: олаште утларакше ӱдырамаш-влак илат, нуно пӧръен-влакым 2500 утларак еҥлан эртен каеныт да чылаже 12613 улыт. Кушто нуно шукырак пашам ыштат? «Потенциал» заводышто чумыр пашаеҥ гыч 65 % ӱдырамаш, «Копирыште» — пелыж деч изиш шагалрак, рӱдӧ эмлымверыште – 89%, АТП-ыште – 40%, милицийыште – 20. Вуйлатыше-влакат шукын улыт, тылеч посна 5 ӱдырамаш оласе погынымашын депутатшылан сайлалтын.

Валерий Очеев

Добавить комментарий