Кугу пайрем гӱжлен

Звенигово районысо Чакмарий тӱвыра рӱдерыште «Шокто гармонь, такмак йоҥго» фестиваль эртен. Тиде пайрем ынде 12 гана погынен. Тений тышке чыла ял шотан илем гыч 150 утла еҥ толын ыле.

«Гармоньчо-виртуоз» номинацийыште район администраций вуйлатышын призшым да фестивальын дипломжым Поянсола каныме рӱдер гыч Игорь Петровлан кучыктымо. «Неповторимый талант» номинацийыште Кужмарий гыч гармоньчо Евгений Филиппов сеҥен. Иркино ял гыч 83 ияш гармоньчо Александр Сергеевич Васильевлан лӱмын призым пуымо. Чакмарий гыч мурызо Зинаида Борзова «Чакмарий шӱшпык» диплом дене палемдалтын. Фестивальыш толшо чыла мурызо ден гармонистлан дипломым да Чаптаныкым кучктымо.

Добавить комментарий