Салтакъялыште вашлиймаш

Куженер район администраций вуйлатыше Сергей Фоминых, тӱрлӧ отдел вуйлатыше-влак Салтакъял кундемыш миен коштыныт да калык дене вашлийыныт. Верысе клубышто шуко тургыжландарыше йодышым тарватыме. Салтакъял кундем кугу гынат, тыште улыжат 800 наре еҥ ила. Тышечын визымше ужашыже гына ньога ден школыш коштшо йоча-влак улыт. Сандене ончычсо кыдалаш школ тӱҥалтыш школыш савырнен. Калыклан пашам муаш неле, верысе ял озанлык предприятийыште улыжат 13 еҥ тырша. Шке суртпечыштат вольык шагалемеш, улыжат 38 ушкал шотлалтеш.

Добавить комментарий