Еҥ деч оксам ячен

Йошкар-Оласе прокуратура гыч увертарат: оласе ик школын 7 классыштыже тунемше рвезе шотышто 3 майыште суд лийын. Тудым изирак-влак деч оксам йодын налмыжлан титаклат. Следователь-влак рашемденыт: тиде рвезе ӱмаште ноябрь гыч декабрь марте шке школыштыжо 3 гыч 5 класс марте тунемше-влак деч кажныж деч 30 теҥгем йодын. Пуйто тудо нуным аралаш тӱҥалеш. Кӧ тӱлен огыл гын, кыралтын. Следователь-влак 9 фактым пален налыныт. Суд годым рвезе шке титакшым тӱрыс умылен, но тудлан садак 2 ийым условно пуэныт, тыгак 2 ий койыш-шоктышыжым эскераш тӱҥалыт.

Добавить комментарий