Окса полыш лиеш

«Марий Элыште 2009-2011 ийлаште изи да кокла предпринимательствым вияҥдымаш» целевой программе почеш шуко паша ышталтеш. Экономический вияҥмаш да торговльо министр Ильяс Якуповын ойлымыж почеш, ӱмаште республикысе да федеральный бюджет гыч шуко окса муниципальный целевой программе-влаклан полшаш кучылталтын. 2010 ийыште изи да кокла бизнесын 130 утла проектшылан окса полышым пуымо, тыге 500 утла у пашаверым ыштыме. Тений окса полышлан 83 млн. теҥгем палемдыме, тышеч 17 млн. теҥгем республикысе бюджет ойыра, 64 млн. теҥге федеральный бюджет гыч толеш, 1 млн. 600 тӱжем теҥгем районлаште кычал муыт.

Добавить комментарий