Марий университетыште – Шарнымаш вахта

Тиде кечын пединститут полат воктене погынышо-влакым ректор, профессор Виталий Макаров саламлен. Тыгак сеҥымашым кондышо-влаклан тау мутым ойлаш Республикысе ветеран ушем вуйлатыше Виталий Глушков ден вузысо тыгаяк ушем вуйлатыше Валерий Самохин толыныт ыле.

Сар жапыште пединститут гыч фронтыш 120 утла сотрудник ден студент-влак каеныт. Нунын кокла гыч шукынжо орден да медаль ден палемдалтыныт. Гражданский оборона кафедрын кугурак туныктышыжо Станислав Костров, студент-влак Николай Рябинин да Василий Архипов Совет Ушемын талешкыже кӱкшӧ лӱмым сулен налыныт. Тиде кечын мемориал оҥа воктек физика да математика факультетын студентше-влак гирляндым пыштеныт. Вара пайрем «Меридиан» кочмыверыште шуйнен. Тушто ректор Виталий Макаров ветеран-влак дене вашлийын. Пайрем кумылым лӱмынак ямдылыме концерт программе сӧрастарен.

Добавить комментарий