Тургымым иктешленыт

Шкетан лӱмеш Марий национальный драма театр черетан тургымжым петырыме кечын шке пашаеҥже-влакым шергакан пӧлек дене палемден. Тений сценыш тӱрлӧ призлан кӱзышӧ-влак поснак шукын лийыныт: водитель да тӱрлӧ цехласе пашаеҥ-влак гыч тӱҥалын, эн чаплын модшо актёр-шамыч марте.

Эн сай режиссёр семын Алексей Ямаев палемдалтын. Иван Смирнов – ончышылан эн чот келшыше актёр. Диплом ден пӧлекым артист-влак Сергей Данилов, Алина Егошина, Алексей Тетерин да Павел Ефимовлан кучыктымо. А Маргарита Медиковалан тӱҥ приз – туристический путёвко логалын.

Добавить комментарий