Тунемаш каяш йӧн уло

Тазалык аралыме министерство увертара: пагалыме выпускник-влак, лечебный паша, педиатрий, стоматологий, фармаций специальность дене умбакыже тунемаш кумылда уло гын, тений целевой направлений дене вузлашке пурен кертыда.

Марий Элысе абитуриент-влакым Ижевский, Кировский да Нижегородский кугыжаныш медицинский академийыште, Озаҥ да Самара оласе кугыжаныш медицинский университетлаште вучат, тыгак Пермь оласе кугыжаныш фармацевтический академийыш каяш йӧн уло. Тунемаш пурашлан конкурсым эртыман, тыгодым кугыжаныш экзаменын результатшым шотыш налыт. Конкурс комиссий Йошкар-Олаште 1 гыч 10 июль марте погына. Направленийым налаш манын, чыла документым Тазалык аралыме министерствыш 27 май марте конден шуктыман.

Добавить комментарий