Шоя аппарат улмаш

Кок ий ончыч олаште да районлаште самырык еҥ-влак «ФААМ-1 Невотон» медицинский аппаратым ужален коштыныт. Пуйто тиде прибор-влак пеш писын тӱрлӧ черым эмлен кертыт.

Кок ий жапыште мошенник-влак Марий Элыште да Татарстаныште, Кировский да Угарман областьыште 3500 наре еҥым ондаленыт, тӱҥ шотышто – шоҥгыеҥ-влакым. Ик приборлан 4100 гыч 4900 теҥгем йодыныт, но аппаратын шке акше улыжат 800 теҥге лийын. Кызыт тиде шоя бизнесым тӱҥалше-влакым кученыт, следствий кая.

Добавить комментарий