Электричествым шолыштат – мут кучаш шогалтат

Марий Элыште энергетик-влак электричествым шолыштшо-влакым мут кучаш шогалташ тӱҥалыныт. Теве Морко район, Кокласола ялыште ик суртпечыште кок тылзе жапыште счётчикым ӧрдыжеш коден, 2000 утла киловатт электровийым шолыштыныт. Тыге энергетик-влаклан 33 тӱжем 543 теҥгеаш эҥгек лийын.

Республикысе прокуратур пашаеҥ-влакын ойлымышт почеш, ондак тиде пӧртыштӧ электровоштырым пӱчмӧ улмаш, оза-влак оксам тӱлен огытыл. Следствий годым пӧръеҥ титакан улмыж нерген шке кумылын ойлен, эҥгек оксам тӱрыс пӧртылтен. Туге гынат суд тыгай пунчалым луктын: суртоза 120 шагат тӱрлӧ пашам ыштышаш.

Добавить комментарий