Тӱшка паша ушнен толеш

Совет пагыт годым тӱшка озанлык-влак кокла гыч чылан гаяк тӱкан шолдыра вольыкым пукшен ӧрдыктареныт. Сӧснам ашныше озанлыкат шагал огыл лийын. Сандене шыл комбинат-влак яра шоген огытыл.

Кызытсе саманыштат тӱрлӧ йӧным кучылтыт. Теве Йошкар-Ола шыл комбинат «Шойбулакский» акционер ушем дене пырля «Йола» агрохолдингым ыштеныт. Тӱҥ шонымашыже – шыллык вольыкым шкеак ончен кушташ. Тыге сӧсна ашныме куатле кок комплексым чоҥымо. Кызыт Оршанке районысо Кугунур села лишне кумшо тыгаяк куатле комплексым нӧлташ тӱҥалме. Агрохолдинг тӱкан шолдыра вольыкымат шкеак ашнаш тӱҥалын. Ончылий икымше тӱшка герефорд урлык тӱж туна-влак Шойбулак комплексыш толын шуыныт. А Оршанка районысо Кугунур селашке Финляндий да Венгрий гыч абердино-ангус урлык тӱж туна-влакым кодшо ийын конденыт.

Valera

Добавить комментарий