Конвоир – тале теннисист

Титаккасартыш шуктымо управленийыште сотрудник-влак коклаште ӱстембал теннис дене лично-командный первенство лийын. Кок кече жапыште спортсмен-влак эн талыжым кычалыныт.

Ӱдырамаш-влак коклаште Новотроицк воспитательный колонийын сотрудникше Татьяна Васильева сеҥен, кокымшо верыште – Рӱдӧ аппарат гыч Наталья Лебедева, 6 № колоний гыч Татьяна Кокорина кумшо верым налын. Пӧръеҥ-влак коклаште таҥасымаш кужунрак шуйнен. Ондак кок тӱшкалан шелалтын, эн тале 6 еҥым пален налыныт. Финалыште конвоирований отделыште пашам ыштыше Дамир Нигмадзянов сеҥен. Йошкар-Оласе следственный изолятор гыч Владислав Веселов кокымшо лийын, конвоирований отдел гычак Сергей Козлов – кумшо верыште.

Valera

Добавить комментарий