Сеҥыше-влак пале улыт

Январь гыч апрель мучаш марте Марий Элыште «Мый искусство тӱняшке пурем» фестиваль эртен. Профессиональный шинчымашым пуышо учрежденийлаште тунемше да пашам ыштыше еҥ-влак деч шогышо самодеятельный коллектив-влак шке мастарлыкыштым ончыктеныт.

Фестивальыште Гран-при дене Тӱвыра да сымыктыш колледж палемдалтын. Икымше верым Аграрно-технологический техникумлан пуымо, Аграрно-строительный техникум кокымшо лийын, кумшо верым Марий технический университетын «Политехник» строительно-промышленный колледжше налын. Эн сай номер-влак деч шогышо Гала-концерт 5 майыште «Политехник» колледжыште лиеш.

Валерий Очеев

Добавить комментарий