Пудий-влак осалланат

Пудий-влак еҥ ӱмбак кержалтмаш тӱҥалыныт. Икымше гана тыгайже 20 апрельыште Юрино посёлкышто лийын. Пӧръеҥ ден пудий Шереметьевский паркыште «вашлийыныт».

Май тӱҥалтышлан пудий-влак эше ныл еҥлан пижыныт: Йошкар-Оласе Пӱнчерыште, Руэм посёлкышто да «Мичуринец» ден «Ильинка» садлаште. Роспотребнадзор Управленийын специалистше-влак шижтарат: шокшо игече толмо дене пудий-влак утларак помыжалташ тӱҥалыныт, сандене олыкышто але чодыраште, садыште але пакчаште пашам годым ваш-ваш эскералташ ида мондо. Капыш пижше пудийым ида темдал, шке луктын огыда керт гын, писынрак эмлымверыш мияш тыршыза. Тушто тыланда кӱлеш полышым пуат.

Валерий Очеев

Добавить комментарий