Мыйын ачам – эн сай

Йочам шкетын ончышо ава-влак нерген ме пеш шуко палена, а теве тыгай пӧръеҥ-влак шотышто шагал годым мутым луктыт. Тиде экшыкым мыняр-гынат кораҥдаш шонымаш дене Марий Турек ЗАГС-ыште «Мыйын ачам – эн сай» мероприятий эртен. ЗАГС вуйлатыше Галина Орлова тиде вашлиймашке Карлыган, Хлебниково, Косолоп кундем да Марий Турек посёлко гыч йочам шкет ончышо 4 ачам ӱжын. Тыште ятыр пӱсӧ йодышым тарватыме. Мутлан, молан Российыште «шкет ача» манме шонымаш йӧршеш уке, санденак нуно шкет ӱдырамаш семын нимогай льгот дене огыт пайдалане? Уна-влакым шке мастарлыкышт дене «Солнышко» йочасадыш коштшо ӱдыр-рвезе-влак куандареныт.

Валерий Очеев

Добавить комментарий