Мемнан-влак писе улыт

Шукерте огыл Ивановский область, Шуя олаште курыкышто куржталмаш дене Россий гран-прин кумшо этапше эртен. Тушко мийыше Марий Элын командыштыже ныл спорстменже Курыкмарий район гыч лийыныт.

Чыланат куржталмашым йӧратыше «Акпарс» клубыш коштыт: тиде – Пайскырык школ гыч Алексей Степанов ден Андрей Люнькин, Усола школ гыч Иван Пекцоркин да Эмансола клубын художественный руководительже Ираида Ихонькина. 4 км куржмаште Алексей Степанов 20 эн сай спортсмен радамыш логалын, а Ираида Ихонькина 2 км куржталше ветеран-спортсмен-влак коклаште кумшо верыш лектын.

Валерий Очеев

Добавить комментарий