4 май марте тыгай каныме кас шуйна

Кажне вӱргечын Марий тӱвыра рӱдер самырык-влаклан марий дискотекым эртара. Каныме касыш Марий кугыжаныш университет да колледжла гыч студент-влак, адакшым олаште илыше калыкат каналташ толыт.

Марий сем почеш кушташлан Марий тӱвыра рӱдер чыла йӧным ышта: у аппаратур, сай йӱк, тӱрлӧ тӱсан тул залыш пурымек, йомакыш логалмыла чучеш. Тыште йолташ-влак денат кутыралташ, палыме лияшат йӧн уло. А вӱдышӧ-влакын тӱрлӧ модышлан, конкурслан кумылаҥдымышт уш-акылым писемдаш тарата, кап-кылым куштылемда. Каныме касын тематикыжат кажне гана календарь шот дене вашталтын толеш. Кодшо гана Талешке кечылан пӧлеклалтын ыле. Автодор тӱвыра полатыште тыгай каныме кас 4 май марте шуйна.

Валерий Очеев

Добавить комментарий