Интернатыште илыше йоча-влакын спартакиадышт эртен

Йочапӧрт да интернат школлаште илыше-влак коклаште Российысе спартакиаде Тамбов олаште эртен Тушто элнан 8 регионжо гыч команде-влак таҥасеныт: Псков, Тамбов, Смоленск, Угарман, Тула, Ленинград область-влак гыч, Мордовий ден Марий Эл гыч да Санкт-Петербург ола гыч.

Спартакиадыште спортын 4 видше дене таҥасеныт: волейбол да шахмат дене модыныт дартсым кышкеныт да ечыгорнышто ӱчашеныт. Марий Эл гыч 2 команде миен: кугурак тӱшкаште Лӱлпан йочапӧрт гыч, а изирак йоча-влак Волжск оласе кыдалаш интернат школ гыч лийыныт. Нуно волейбол дене модмашыште 3 верыш лектыныт. Тыгак мемнан ечызе-влак кумшо лийыныт. Марий Элын командыже 3 кубок да диплом дене палемдалтын, а посна спорстмен-влак 10 кубокым да дипломым налыныт. Дартс да шахмат дене мемнан ӱдыр-рвезе-влак нылымше верыш лектыныт.

Валерий Очеев

Добавить комментарий