Киндым кӱэштше-влак погыненыт

Экономически вияҥмаш да торговльо министерствыште киндым кӱэштше-влак погыненыт. Тушто республиканский семинар эртен.

Министр Ильяс Якупов палемден: республикыштына изи да кокла бизнесысе 67 предприятий ден организаций киндым кӱэштеш. Тушто 1714 еҥ тырша. Пытартыш ныл ийыште киндым пыштме кугыт 1,7 процентлан ешаралтын. Ӱмаште кугыжаныш могырым Курыкмарий, Звенигово районласе ныл изи предприятийлан роскотыштым пӧртылташ республикын бюджетше гыч 200 тӱжем теҥге субсидийым ойырымо. 22 еҥлан ешартыш паша верым мумо. А тенийлан производственный оборудованийым уэмдаш, тыгак пашаеҥ-влакым туныктен ямдылаш пел миллион теҥге ойыралтеш. Чыла тидыже изи предприятий-влаклан 27 тӱжем тонн кинде сатум ямдылаш йӧным пуышаш, оксашке савыраш гын, 800 миллион теҥгеашым.

Валерий Очеев

Добавить комментарий