Кочкыш сатун акше кузе вашталтын?

Республик мучко 25 тӱрлӧ кочкыш сатун акше кузе вашталтмым Экономически вияҥмаш да торговльо министерствыште кажне арнян эскерен шогат.

Теве 18 апрельлан эн изи ак Курыкмарий да Медведево районлаште лийын. Вара Оршанке район кая. Моло кундем дене таҥастарымаште Курыкмарий районышто высший сорт шыдаҥ ложаш, ушкал ӱй, чыве муно, пареҥге, ковышта, шоган да кешыр шулдырак, Медведево районышто – шӧр, сӧсна шыл да рис, Оршанке районышто – уржа кинде, чай, кылмыктыме кол да вермишель. Таҥастараш: уржа киндын 1 кг Оршанке районышто 19 теҥгеат 66 ырым шога, а Звениговышто – 27 теҥгеат 8 ыр, Волжскийыште – 26 теҥгеат 55 ыр.

Параньгаште кешыр ик килограммже – 45 теҥге, Козьмодемьянск олаште – 42, а Курыкмарий районышто – 28 теҥгеат 33 ыр.

Валерий Очеев

Добавить комментарий