25 апрельыште карт-влак погынат

У Торъял районышто «Нива» потребительский кооперативым вуйлатыше Василий Блиновым пеш сайын палат. Тудо ял калык деч шӧрым погымаште тырша. Тылеч посна районышто «Марий кумалтыш» общиным вуйлата. Кызыт районысо карт-влак погынымашлан ямдылалтыт. 25 апрельыште нуно шуко йодышым каҥашаш тӱҥалыт: кумалтыш-влакым эртарыме нерген, кӱсото-влак кушто улмо картым ыштымаш да молымат. Тиде погынымашке У Торъял районысо яллаште карт-влакым да марий йӱлам пагалыше чыла еҥ-влакым поро кумыл дене вучат.

Валерий Очеев

Добавить комментарий