Тукым памаш» у марий газетлан возалтса

Апрель тылзыште республик мучко газет ден журнал-влаклан подписке тӱҥалын. Йӱдвел-эрвел кундемыште илыше-влак шке районысо газет ден пырля «Тукым памаш» у марий газетлан возалт кертыт. Пел ийлан возалтме ак – 72 теҥге. Подпискым районысо редакцийлаште ышташ лиеш.

Теве Куженер районышто «Заря» да «Тукым памаш» газетлан эн ончыч Васалай ял гыч Роза Мамзонова возалтын. Роза Михайловна кызыт сулен налме канышыште, а тылеч ончыч вольык фермыште тыршен. Пелашыже Альберт Николаевич ден коктын 3 йочам ончен-куштеныт. Йоча-влак чыланат ӧрдыжтӧ илат. Суртпечыште пашам ыштен, вате-марий газетым лудаш йӧратат, сандене подпискым эре ондакак ышташ тыршат.

Оршанке, У Торъял, Куженер, Параньга, Шернур да Марий Турек районлаште илыше марий-влаклан эше ик гана ушештарем: пошкудо районлаште мо лийме уверым пален налнеда гын, «Тукым памаш» газетлан возалтса. Пел ийлан улыжат 72 теҥгем шога.

Валерий Очеев

Добавить комментарий