Кеҥежым йоча-влакын канышыштым эртарымылан ямдылалтмым ончымо

Килемар район администрацийын коллегийыштыже тӱҥ йодыш семын тений кеҥежым йоча-влакын канышыштым эртарымылан ямдылалтмым ончымо. Пале лийын: тений районышто кечывалым каныме 10 лагерь почылтеш. Нуно 1 июнь гычак пашам ышташ тӱҥалыт, а чыла оксаже республикысе бюджет гыч ойыралтеш. Ик йочан ик кечыште канышыжлан кокла шот дене 77 теҥге кая, тышечын 60 теҥгеже – кочкышлан. 10 лагерьыште кеҥеж мучко 712 йоча канышаш.

Валерий Очеев

Добавить комментарий